Stuzzichini... (Argomenti di varia natura cucinati da Peppe Sestito)

O poliicanti calabrisi tutti guali…

U’ pare ca siti nuovi e origginali

cu vace e cu vene, cu fu o non fu, cu siti ‘on si sape, fhaciti ù cucù.

Cuomu lejvi, e’nu poeta regginu,

applicati, mò, ‘nu concettu fhinu

mu guadagnati ‘ntè votu e’ cchjù:

chidhu e cu scinda e fface:”Bu…”

Jocandu vi passati i’ soliti palli,

a ‘ nui ni cuntati quattrhu balli,

u’stipendiuni vi ‘ntascati o’ misi

e pue ni mandati a’ chidhu pajsi.

E chissu è Pajsi duve si perde tuttu…

Duve i fissa sugnu miegghju e’ mia…

Pajsi dò m’incrisciu e mi’nda fhuttu,

duve a’ cosa seria è ffatta a’ fissaria…

U’ pajsi duve nà bella mastrhavota

supara u’‘mpegnu dò tiempu chi fù…

e a’ storia ricumincia n’atrha vota…

ca ognunu dice:”Scinda e ‘ffalla tu!”

Sup’è giornali:”Accusa del Presidente”…

Scinditi liesti e nudhu fhace nente.

‘Ncangiu no resta ca ‘nu fhattu sulu:

Mu jati tuttii e’ mma fhaciti ‘nc...u!!!!

Peppe Sestito

(Domenica, 25 ottobre 2015)

L’atrha notte,
versu menzannotte,
scindiendu da ruga de’ muorti
‘ncuntrai ad unu cù ll’uocchi stuorti…
‘Nci disse:”-Bonasera, Baruni…”
E mi jettau nù cazzottuni….
Meravigghjatu, domandai:”-Pecchì?”
E ‘mmi’nda minau n’atrhi dui o trhì…
Volia ù ‘cì fhazzu, nà ramanzina
ma ‘mmi ‘nda jettau n’atrha quattrina…
“Ma io passava pe’ fhatti mie…”
e m’inda mollau n’atri cincu o sie….
Catte ‘nterra, cuottu e strhacuottu,
e m’inda calau n’atri settuottu…
Io vitte a’ pezza mala piggjata
e cercai ù cangiu strhata…
Ma avia cchjù longa l’ancata
E mi fhice nà Cazzottijata!
Arrivau a cintu e tornau a’zeru…
Disse:” Ti mandu o’ cimiteru…”
E mmù ‘nci vaju puocu mancau…
Ca n’atrhi ducientu mi ‘zziccau!
“Mo’ statti cittu e vattinde liestu…
Sinnò m’incazzu e tti dugnu u riestu…
“M’inda vaju, ca fina chì ‘nghjorna
chissu è capaci u mi ruppa i corna…
Ca cierti gienti su propriu stuorti…
e pistunu a l’atrhi a’ ruga de muorti…”
Sicome eramu trhà luci e’ scuru,
sutt’o’ lampioni, arriedi nu muru….
Mi squatrhau miegghju e disse”Cù sì?”
“-Su nu poeta, scrivu poisì…”
“-Siti n’atrhu, allora, o’ cagghju…
Mi scusati vi pigghjai sbagghju…”
“Ma u sapiti ca siti fhetienti…
Vui prima i pistati i gienti
e pue, cu ‘nnà mossa pompusa
vi ripentiti e cercati scusa…
e chì voliti u vi dunanu i lodi…?
Si permettiti chissi ‘on ‘zzù modi…”.
Cuomu nà perzuna ben servuta…
s’inda ju arrancandu a’ sagghijuta…
Ma na manta è palati a chidda via
cià notte ,o’ scuru, puru pe’ ‘mmia
e ‘mu ‘ncì dassa nù bellu siggiddhu…
‘ncunu chjù stuortu ù trhova pur’iddhu!
                                                                                                                                                                                                                                                                                                          Peppe Sestito

(Venerdì, 23 ottobre 2015)

U’ Poeta    
è l’emigranti    
e chjddhu mundu    
ddhà duve,    
cuomu passapuortu,    
basta nà bella    
Poesia…    
A’ dù passi    
dò cielu…

Peppe Sestito

(Giovedì, 20 agosto 2015)                  

Pajsi mio
arrampicatu    
sup’à ‘ssà                                                                                      
collina,                                                                                          
sì tuornu    
pè sempe,    
chì ‘mmì duni?    
Mi rispundiu:    
“-Aria! Chiddha
chì sospirasti
n’trhè momenti
è nustargia
quand’ieri
luntanu……”

Peppe Sestito

(Giovedì, 20 agosto 2015)